| 1 | |
HStAOrient5a: 66v küdūrātdan ve tezkiye‑i nefsdür aḫlāq‑i meẕmūmeden ki müʾeddāsı // taḫallaqū bi‑aḫlāqi llāh ḥilyesi ile mücellā olmaqdur. Mıṣrāʿ: // Ba‑bīn tafāvut‑i rāh az kuǧāst tā ba‑kuǧā Her ʿālim ki firīfte‑i cāh // ü esīr‑i şehvet olmaya āḫirü l‑emr ceẕebāt‑i silsile‑i tevfīq ile bu // ṭāʾifeye refīq olmaq muqarrerdür. Ḥikāyet olınur ki: Dāvūd-i Ṭāyī // ḥażretleri aʿẓam‑i aṣḥāb‑i Ebī Ḥanīfedür āḫir‑kār ʿuzlet iḫtiyār ėdüb // rāh‑i ṭarīqa[te] sālik olmış[lar]dı. Qāżī Ebū Yūsufdan // rūy‑keşīde idi. Bizüm ustādumuz żarb‑i tāziyāne ile qażāya // rıżā vėrmedi Ebū Yūsuf ṭavʿan iḫtiyār ėtdi dėr idi. // Bā‑ḫuṣūṣ zamānede qażā vü qader bir tāziyāne-i ʿilm ü maʿrifet // olmışdur. Naʿūḏu bi‑llāhi min šurūri anfusinā wa‑sayyiʾāti aʿmālinā. // Ve kütüb‑i taṣavvuf ḥadd ü iḥṣādan ḫāricdür. Ammā bu fennde // qīl ü qāl nāfiʿ olmaz ḥāl gerekdür dėrler. Lākin Risāle‑i Quşeyrī // ve Qūtü l‑Qulūb‑i Ebī Ṭālib Mekkī mā lā‑büddeyi müştemildür // ve ittifāq bunuñ üzerinedür ki Futūḥāt‑i Mekkīyeden enfaʿ // ve ecmaʿ olmaya. Mesʾele: Taṣavvuf nedür? Caʿfer-i Ḫuldī qaddesa llāhu ruḥahū // buyurur ki üç mesʾele [baña] düşvār geldi. Cümleden biri taṣavvufdur. // Niçe meşāyiḫden suʾāl ėtdüm kimse cevāb‑i şāfī vėrmedi tā ki // bir gėce [Muḥammed] Muṣṭafā ʿaleyhi ṣ‑ṣalātu ve‑s‑selāmı ḫᵛābda gördüm |